طريقة عمل الكفتة المشوية

طريقة عمل الكفتة المشوية , طبخات مميزة وسهلة , طبخات جديدة ولذيذة , طبخ اكلات مصرية , اكلات وطبخات بالصور

افضل طريقة لعمل الكفتة المشوية(كفتة الحاتي) للشيف ابراهيم اللاوندي :-

-بالنسبة للكفتة اولا علشان مش تفك من حضرتك من علي السيخ اتبعي معي الخطوات التالية:-
-اولا بالنسبة لللحمة تكون لحمة ناعمة وليكن(المدبح-الفلتو-وش الفخذة....)وتكون لحمة ملبسة بها نسبة دهون
-طيب نعرف ازاي مقدار اللحم الاحمر كام ومقدار الدهون كام؟
-بالنسبة لللحمة من 750الي800جرام يعني حوالي3/4كيلو لحم احمر
-وبالنسبة للدهن يكون دهن الخشن(بيت الكلاوي) مقداره200جرام دهن

-علشان اعمل الكفتة الحاتي بقي نعملها ازاي:-

-اولا نقوم بتقطيع اللحمة قطع صغيرة جدا (مكعبات) ونقطع الدهن ايضا قطع مكعبات(صغيرة جدا).
-ثم بعد ذلك نقوم بتقليب الدهن المقطع مع اللحمة المقطعة ونقوم بعد ذلك بفرمها في المفرمة او(الكبة) وشين حتي تنعم وتتماسك مع حضرتك .
-ثم بعد ذلك نقوم ببشر بصلتين كبيرتان ونصفيهم من مايتهم ونضع تفل البصل علي اللحمة المفرومة ومقدار الملح والفلفل الاسود والبهار اللحمة والزعتر الناشف الكمون وجوز الطيب ورشة بصل بودر ورشة ثوم بودر ونقلب كل المكونات دي مع بعضها تماما حتي تمتزج الخليط بكل المكونات مع بعضها تماما ثم بعد ذلك اقوم بوضع هذا الخليط في الفريزر لمدة نصف ساعة يشد شوية مع حضرتك.
-ثم بعد ذلك اكون مجهز الاسياخ الخشبية ال اسيخ الكفتة عليها وااخذ قطعة من الكفتة وافردها علي السيخ واقفل مسام الكفتة من تحت ومن فوق واكرر نفس العملية لحين انتهي من كل الكمية ال عندي.
-ثم بعد ذلك اضعها في صينية بها شوية زيت خفيف واضع اسياخ الكفتة فيها وادخلها الفرن لكي تسوي علي نار متوسطة من فوق ومن تحت حتي تستوي وتعطي لونا جميلا(ذهبيا).
-وبعد السوي تقدم وبالف هنا وشفا.
-ممكن لو عاوزة ان تضيفي شوية بقدونس مقطعين ناعم جدا عادي سيان هيعطها طعم جميل جدا(اختياري).
-لو حسيتي ان الكفتة وحضرتك بتسيخيها بتلزق في ايدك ممكن تعملي في طبق(شوية ماء بصل+ماء طماطم+خل+ليمون+شوية زيت+أي نوع توابل عندك)وتبلي ايدك في هذا الخليط وتشكليهاو(تفردي الكفتة علي السيخ هتتفرد بكل سهولة جدا.
-بالنسبة للاسياخ الخشبية ال هتصبعي الكفتة عليها تنقع قبل وضع الكفتة عليها في ماء علشان اما تخش الفرن مش تتحرق من حضرتك.
-بالنسبة لو عاوزة الكفتة تعطي رائحة المشوي علي الفحم بعد تسوية الكفة في الفرن نكون مولعين قطعة فحم ونضع عليها شوية زيت ونضعها في قلب الصينية ال بها الكفتة ونغطي عليها حتي تكتسب الدخان الخارج من الفحم وتعطي رائحة المشوي.
-طبعا قبل ما ادخل الكفتة تسوي في الفرن يكون الفرن مسخن قبلها بخمس دقائق علي الاقل.
-علشان الكفتة ماتنشفشي منك حاولي متكونيش مصغرة قطعة الكفتة ال هتفرديها علي السيخ وبردك ما تولعيش الفرن عليها علي نار عالية ده ال بيجعل الكفتة تنشف من حضرتك هيا مش بتاخذ وقت كتير في التسوية فوضعها علي النار لمدة اطول ده بيجعلها تنزل كل الدهون ال بها فتنشف من حضرتك النار تكون متوسطة مش عالية يعني تسويتها علي الهادي.
-انا وضعت شوية زيت خفيف جدا في الصينية ليه ؟علشان الكفتة هتنزل دهون بالصينية وانا مش محتاج دهون كتير في الصينية.
-ممكن لو عند حضرتك قطعة لية ممكن تبقي تقطعي منها قطعة صغيرة وتفرميها مع الكفتة هتعطي لك طعم روعة.
-ان شاء الله باتباع هذة الخطوات حتحصلي علي احسن كفتة واحسن من بتاع الحاتي ال بتكليهها برة
-طيب لو مش عند حضرتك اسياخ خشبية وعاوزة تعمليها زي بتاع الحاتي وتكون مفرغة من الطرفين ممكن تشكليها علي أي معلقة او شوكة او قلم وترصيها في الصينية وتسويها عادي كما تحبي.

-اتمني ان تنال اعجاب حضاراتكم جميعا وان اكون موفق معكم جميعا في توصيل المعلومة وان اكون دائما عند حسن ظنكم بي دائما.

 طريقة عمل الكفتة المشوية , طبخات مميزة وسهلة , طبخات جديدة ولذيذة , طبخ اكلات مصرية , اكلات وطبخات بالصور